वायु सुरक्षामा गम्भीर बन्नु जरुरी

गत बुधबार (२४ जुलाई २०२४)मा काठमाडौंको त्रिभुवन अन्तर्राष्ट्रिय विमानस्थल टीआईए परिसरमा सौर्य एयरलाइन्सको विमान दुर्घटना हुँदा १८ जना यात्रुले ज्यान गुमाउनुप¥यो । दुर्घटनाग्रस्त विमानका कप्तान बाँच्न सफल अर्को भयानक हवाई दुर्घटना टीआईए परिसरमै भयो । पोखरामा यति एयरलाइन्सको विमान दुर्घटना हुँदा ७२ जनाको मृत्यु भएको १८ महिनाभित्र यो दोस्रो यात्रुवाहक विमान दुर्घटना हो । यसैबीच, सौर्य विमान दुर्घटनालाई टीआईए मैदानभित्रै भएको दोस्रो ठूलो घटनाका रूपमा लिइन्छ । यसअघि टीआईए परिसरमै २०१८ मार्चमा यूएस–बंगला एयरलाइन्सको विमान दुर्घटना भएको थियो । यसमा सवार ७१ यात्रुमध्ये ५२ जनाको ज्यान गएको थियो । बंगलादेशस्थित एयरलाइन्सको बोर्डमा मृत्यु हुनेमा बंगलादेशमा एमबीबीएस र अन्य पाठ्यक्रमहरू पूरा गरी स्वदेश फर्केका धेरै नेपाली विद्यार्थी थिए ।

टीआईए परिसरमा भएका दुवै हवाई दुर्घटना जसले धेरैको ज्यान लिएको छ । आधुनिक प्रविधिले सुसज्जित अन्तर्राष्ट्रिय विमानस्थलभित्रको अपर्याप्त आपत्कालीन र उद्धारको गतिलो प्रमाण थियो यो । दुवै घटनाहरूमा अग्निनियन्त्रकहरू र उद्धार टोलीहरू दुर्घटनास्थलहरूमा ढिलो आइपुगे, जसका कारण आगोले विमानहरूलाई द्रुत रूपमा खरानी बनायो । आगो बेलैमा निभाएको भए यात्रुको ज्यान जोगाउन सकिन्थ्यो । अन्तर्राष्ट्रिय विमानस्थलको आपत्कालीन अवस्थालाई हेर्दा पहाड र दुर्गम क्षेत्रमा हवाई दुर्घटना हुँदाको अवस्थाको कल्पना मात्र गर्न सकिन्छ ।