अगिया खोलामा अवैध उत्खनन, सशस्त्रको छापा

कपिलवस्तु । कपिलवस्तुको बुद्धभूमि नगरपालिका–९ स्थित अगिया खोलाबाट अवैध रूपमा नदिजन्य पदार्थ उत्खनन गरिरहेको अवस्थामा सशस्त्र प्रहरीले लोडर मेशिन र टिप्पर नियन्त्रणमा लिएको छ।

बुधबार दिउँसो विशेष सुराकीका आधारमा सशस्त्र प्रहरी बल सुरक्षा बेस क्याम्प चौरीको टोलीले खोलाबाटै उक्त उपकरणहरू नियन्त्रणमा लिएको हो। सशस्त्र प्रहरीका अनुसार लु १ क ४१८२ नम्बरको जेसीबी प्रयोग गरी लु १ ख ६२३५ नम्बरको टिप्परमा बालुवा लोड गरिरहेको अवस्थामा दुवै सवारी साधन नियन्त्रणमा लिइएको थियो।