‘धुरन्धर’को डिजिटल रिलिज अदालतबाट खुल्ला

मुम्बई । अदालतबाट चलचित्र ‘धुरन्धर’को ओटिटी प्लेटफर्म प्रदर्शन खुला गरिएको छ । यो चलचित्र रोक्न दिल्ली उच्च अदालतमा हालै मुद्दा परेको थियो ।

यो चलचित्रमा राखिएको गीत ‘तिर्ची टोपीवाले’ को प्रतिलिपि अधिकार हनन् गर्दै यो चलचित्रमा राखिएको आरोप सहित सो गीतको निर्माण पक्षले यो चलचित्र रोक्न अदालतमा मुद्दा दायर गरेको थियो । दिल्ली उच्च अदालतले बिहीबार यो मुद्दामा बहस गर्ने क्रममा चलचित्र ‘धुरन्धर’को डिजिटल प्रदर्शनमा अन्तरिम रोक लगाउने मागलाई अस्वीकार गरेको हो ।