मुख्य सामग्रीमा जानुहोस्

समाचार

देश

भदौ पहिलो सातासम्म उखुको रकम भुक्तानी नपाए आन्दोलन

karobardaily.com · Fri Jul 30 01:11:10 GMT 2021

उखु किसानले आगामी ५ भदौसम्म उखुको बक्यौता रकम भुक्तानी गर्नका लागि अल्टिमेटम दिएका छन् । विभिन्न जिल्लाबाट काठमाडौँ आएका किसानले बिहीबार पत्रकार सम्मेलन गरेर ५ भदौसम्म रकम भुक्तानी गर्नका लागि समय तोकेका हुन् ।

तोकिएको समयभित्र चिनी मिलबाट आफ्ना बक्यौता भुक्तानी नपाए आन्दोलन गर्ने किसानहरूले घोषणा गरेका छन् । उखु किसान संघर्ष समिति सर्लाही, राष्ट्रिय कृषि श्रमिक संघ र उखु किसानहरूले विगतमा भएको सहमति पालना नभएको भन्दै बाँकी रकम भुक्तानी गर्नका लागि अल्टिमेटम दिएका हुन् । उखु किसान संघर्ष समिति एवं उद्योग मन्त्रालयबीच १३ पुस २०७७ मा दोस्रो पटक पाँचबुँदे सहमति भएको थियो । सहमतिअनुसार २१ दिनभित्र उखु किसानहरूको सम्पूर्ण बाँकी बक्यौता रकम उद्योग मन्त्रालयले भुक्तानी गराउन जिम्मेवारी लिएको थियो । तर सहमतिअनुसार किसानको रकम चिनी मिलले भुक्तानी नगरेको भन्दै किसान फेरि काठमाडौँ आएका हुन् ।

स्रोतमा पूरा पढ्नुहोस् (karobardaily.com)