तत्कालीन विराटनगर भन्सार प्रमुख बस्नेतविरुद्ध सर्वोच्चमा पुनरावेदन

काठमाडौं । अख्तियार दुरुपयोग अनुसन्धान आयोगले विराटनगर भन्सार कार्यालयका तत्कालीन प्रमुख कृष्णबहादुर बस्नेतलगायतलाई सफाइ दिने विशेष अदालतको फैसलाविरुद्ध सर्वोच्च अदालतमा पुनरावेदन दिएको छ ।

आयोगले कृष्णबहादुर बस्नेत, निजकी श्रीमती सविता गौली बस्नेत, जेठान नवीनकुमार गौली र निजकी श्रीमती शकुन्तला र छोरा शुलभलाई सफाइ दिने विशेष अदालतको फैसला त्रुटिपूर्ण भएको दाबीसहित बिहीबार सर्वोच्चमा पुनरावेदन दिएको आयोगका प्रवक्ता भोला दाहालले बताउनुभयो । आयोगले विभिन्न नजिर प्रमाणको आधारमा पुनरावेदन दायर गरिएको प्रवक्ता दाहालको भनाइ रहेको छ ।