अमेरिकामा नारायण श्रेष्ठले वर्षौंपछि चलाएको ‘साहित्य सवाल’

कलरफूल कोलोराडो । सातै रङ मिसिएको इन्द्रेणीजस्तो । वसन्त ऋतुमा बाटैभरि फूलेका थरीथरीका फूल । हरियाली बुट्यान रुखले सजिएको सडक । आफ्नै रफ्तारमा चलिरहेका गाडी । अनि सिधा देखिने रक्की माउन्टेन हिमाल ।

कोलोराडोको आकाश थामेको डेनभर र इतिहास लेखेको बोल्डरको दोभानमा छ, वेष्टमिनिस्टर । ड्ररी होटलको सभाहल । बाहिर मौसम सफा छ । भित्र शान्त देखिने सभाहलका प्रत्येक अनुहार मञ्चतिर सोझिएका छन् । वर्षौपछि साझा सवालका चर्चित प्रस्तोता नारायण श्रेष्ठ माइक समातेर प्रस्तुत हुँदैछन् । उनको दायाँतिरको कुर्सीमा क्रमश छन्– सुधीर शर्मा, निलम कार्की निहारिका र बसन्त बस्नेत ।