वायु प्रदूषणले रक्तचाप बढाउने

विशेषज्ञहरुका अनुसार जो सडकको छेउछाउ बस्छन् वा सडकको प्रयोग गर्छन् उनीहरुको स्वास्थ्यमा बायु प्रदूषणले गम्भीर असर गर्ने गरेको पाइएको छ । हालै भएको एक अध्ययनको प्रतिवेदन अनुसार सवारीसाधनसँग सम्बन्धित वायु प्रदूषणले खासगरी कारलगायत साना सवारीसाधनका प्रयोगकर्ताहरुको ब्लड प्रेसर बढाएको पाइएको हो । उच्च रक्तचाप भएमा व्यायाम नगर्ने र नुनको मात्रा बढी खानेहरुमा अरु कार्डियो भास्कुलर रोगहरुको जोखिम उच्च हुन्छ ।

विशेषज्ञहरुका अनुसार सडकको प्रयोग गर्दा मास्कजस्ता एयर फिल्टरहरुको प्रयोग गर्नाले मुखमा प्रवेश गर्ने दूषित एवं खतरनाक कणहरुको मात्रा कम गराउँछ । कार चलाउँदा मास्क लगाउनु कुनै पनि हिसाबले मूर्खतापूर्ण हुँदैन बरु लाभदायक हुन्छ । कोभिड महामारी फैलिएका बेला प्रयोग गरिएको एन ९५ मास्कले धेरै लाभ पु¥याएको थियो । यी लगायतका मास्कले प्रदूषणबाट हुने हानिबाट बचाउन धेरै नै मद्दत गर्छ । सवारीसाधन प्रयोग गर्ने तर मास्क प्रयोग नगर्ने गर्दा श्वासप्रश्वासका माध्यमबाट हानिकारक कणहरु शरीरमा प्रवेश गर्छन् र रक्तचाप बढाउँछन् । युनिभर्सिटी अफ वासिङ्टनका अध्ययनकर्ताहरुले गरेको अध्ययनबाट यस किसिमको तथ्यहरु पत्ता लागेको हो ।