हुम्ला-बाजुरा टक्करः इतिहास मेट्न खोजिए प्रतिकार गर्ने हुम्ली चेतावनी

हुम्ला । बाजुरा पक्षबाट लाम्पाटा, च्याचौर र रानीसैन क्षेत्रलाई आफ्नो भू–भाग भएको दाबी सार्वजनिक हुन थालेपछि हुम्लाका विभिन्न स्थानीय तहका बासिन्दा ठूलो संख्यामा लाम्पाटा क्षेत्रमा पुगेका छन् ।

परम्परागत रूपमा उपयोग, संरक्षण र चरिचरन हुँदै आएको क्षेत्रमा स्वामित्वको दाबी उठेपछि स्थानीयमा असन्तोष चुलिएको हो । ताँजाकोट, सर्केगाड, खार्पुनाथ, सिमकोट र नाम्खा गाउँपालिकाका स्थानीयले उक्त क्षेत्रलाई हुम्लाबासी समुदायको ऐतिहासिक चरनभूमि, सामुदायिक वन क्षेत्र तथा जीवनयापनसँग जोडिएको साझा थलो भएको बताएका छन् ।