एकैपटक पाँच दर्जन बढीमा कोरोना संक्रमण देखिएपछि कांग्रेस बैठक अनिश्चित

काठमाडौं – नेपाली कांग्रेसका नेता अर्जुननरसिंह केसी र गगनकुमार थापासहित कम्तिमा चार केन्द्रीय सदस्यहरुलाई कोरोना संक्रमण पुष्टि भएको छ। नेता केसी र थापाले शनिबार राती सामाजिक सञ्जाल मार्फत् ‘आफूलाई कोभिड–१९ पोजेटिभ देखिएको’ जानकारी दिएका छन्।

कांग्रेस केन्द्रीय समिति बैठकअघि पार्टीले दलको मूख्यालयका कर्मचारी, सुरक्षाकर्मी, सवारी चाकल र केन्द्रीयस्तरका नेताहरुको गरी झण्डै २ सय ७० जनाको दुई दिनअघि स्वाव परीक्षण गरेको थियो। शनिबार आएको पिसिआर परिक्षण रिपोर्टमा यीमध्ये कम्तिमा ६२ जनामा कोराना संक्रमण देखिएको स्रोतले बताएको छ।