मध्यपूर्व तनावको असर : यूएईमा हुने अफगानिस्तान र श्रीलंकाबीचको सिरिज स्थगित

२७ फागुन, काठमाडौं । मध्यपूर्व क्षेत्रमा जारी द्वन्द्वका कारण अफगानिस्तान र श्रीलंकाबीच यूएईमा हुने तय भएको एकदिवसीय र टी-२०आई सिरिज स्थगित गरिएको छ।

अफगानिस्तान क्रिकेट बोर्ड (एसीबी) ले मार्च १३ देखि सुरु हुने तय भएको द्विपक्षीय सिरिज २०२६ को अन्तिम त्रैमासमा सारिएको जानकारी दिएको छ। एसीबीका अनुसार क्षेत्रीय अवस्थाका कारण उडान व्यवस्थामा समस्या उत्पन्न भएकाले सिरिज स्थगित गरिएको हो।