काठमाडौँमा ७९ वर्षीय वृद्धमाथि कैँची प्रहार, टाइसन लामा पक्राउ

काठमाडौँ। काठमाडौँको बौद्धमा एक वृद्धमाथि कैँची प्रहार गरी घाइते बनाउने व्यक्तिलाई प्रहरीले नियन्त्रणमा लिएको छ। काठमाडौँ महानगरपालिका वडा नम्बर ६ बौद्ध फूलबारीस्थित हिमालयन जाभा कफी शपको पछाडि रहेको सडकमा ७९ वर्षीय वृद्धमाथि कैँची प्रहार भएको हो।

प्रहरीका अनुसार जेठ २४ गते दिउँसो करिब १२:३५ बजेको समयमा सो घटना घटेको हो। बुढानीलकण्ठ नगरपालिका वडा नम्बर १ नारायणथान घर भएका ३४ वर्षीय टाइसन लामाले बौद्ध सानो टुसाल बस्ने ७९ वर्षीय वृद्धलाई कैँची प्रहार गरेर घाइते बनाएका हुन्।