आफ्ना क्षेत्रमा योजना पार्न लुम्बिनीका प्रदेश सदस्यहरू धाउन थाले मन्त्रालय

बुटवल । लुम्बिनी प्रदेश सरकारले आगामी आर्थिक वर्ष २०८३/८४ को बजेटको अन्तिम तयारी गरिरहेका बेला प्रदेशसभा सदस्यहरू आफ्ना निर्वाचन क्षेत्रमा बजेट समावेश गराउन मन्त्रालय धाउन थालेका छन् ।

मुख्यमन्त्री चेतनारायण आचार्यले प्रत्यक्ष निर्वाचित सांसदलाई करिब ४ करोड रुपैयाँ र समानुपातिक सांसदलाई कम्तीमा २ करोड रुपैयाँ बराबरका योजना सिफारिस गर्न सकिने संकेत दिएपछि सांसदहरू आफ्नो क्षेत्रका विकास आयोजना सरकारसमक्ष पेस गर्न सक्रिय भएका हुन् ।