पूर्व क्लबविरुद्ध काई हाभर्ट्जको गोलले आर्सनललाई बचायो

काठमाडौँ । च्याम्पियन्स लिगको अन्तिम १६ को पहिलो लेगमा आर्सनलले बायर लेभरकुसेनसँग १–१ को बराबरी खेलेको छ । घरेलु मैदानमा रोबर्ट एन्डरिचको गोलमा लेभरकुसेनले अग्रता लिएपनि खेलको अन्त्यतिर काई हाभर्ट्जले पेनाल्टीमा गोल गर्दै आर्सनललाई हारबाट जोगाएका हुन् ।

खेलको पहिलो हाफ गोलरहित बराबरीमा सकिएको थियो । तर, दोस्रो हाफ सुरु भएको एक मिनेट नबित्दै ४६ औँ मिनेटमा रोबर्ट एन्डरिचले हेडरमार्फत गोल गर्दै लेभरकुसेनलाई अग्रता दिलाए ।