उदयपुरमा पाँच दिन ५ वटा बलात्कारको घटना

उदयपुर । उदयपुरमा पाँच दिनमा पाँचवटा बलात्कारको घटना घटेको छ । जिल्लाका बिभिन्न स्थानमा गरि ३ वटा बलात्कारको घटना र २ वटा बलात्कारको प्रयास भएको जिल्ला प्रहरी कार्यालय उदयपुरले जनाएको छ ।

कटारी नगरपालिका– ५ सोक्लाका १२ वर्षिय बालिकालाई बलात्कार गरेको आरोपमा सोही ठाँउका १५ वर्षिय बालकलाई प्रहरीले नियन्त्रणमा लिएको छ । नियन्त्रणमा लिएको बालकलाई आवश्यक अनुसन्धान थालिएको ईलाका प्रहरी कार्यालय कटारीले जानकारी दिएको छ ।