भविष्यबारे सोच्नै नपाई अभिनेता बनेका सलोन (भिडिओ)

सानै उमेरदेखि नाच्न-गाउन रूचाउँथे अभिनेता सलोन बस्नेत। पढाइमा औसत भए पनि अतिरिक्त क्रियाकलापमा अब्बल थिए। स्कुलमा हुने नाटकमा पनि सहभागी हुन्थे।

एक दिन उनको स्कुलमा कार्यक्रम थियो। अभिनेता भुवन केसी अतिथि बनेर पुगे। त्यति बेला केसी फिल्म 'नेपाली बाबु' को तयारीमा थिए। कार्यक्रममा मन्तव्य दिँदै उनले फिल्ममा सलोनलाई लिने बताए।