नेपाल प्रहरीको ‘ब्रह्मास्त्र’ सीआईबी: सुधन गुरुङले फर्काउन सक्लान् त्यो ‘स्वर्णिम युग’ ?

नेपाल प्रहरीको केन्द्रीय अनुसन्धान ब्यूरो (सीआईबी) कुनै बेला देशकै सबैभन्दा प्रभावशाली अनुसन्धान निकायका रूपमा चिनिन्थ्यो । अन्डरवर्ल्डसँग जोडिएका अपराधदेखि संगठित अपराध, सुन तस्करी र उच्च प्रोफाइल हत्या प्रकरणसम्मका अनुसन्धानले सीआईबीलाई नेपाल प्रहरीको ‘ब्रह्मास्त्र’का रूपमा स्थापित गरेको थियो ।

तर पछिल्ला वर्षहरूमा यही संस्थाको प्रभावकारिता, अनुसन्धानको प्राथमिकता र संस्थागत क्षमतामाथि प्रश्न उठ्न थालेका छन् । यतिबेला सरकार फेरि सीआईबीलाई सशक्त बनाउने योजनासहित अघि बढेको छ ।