ख्वाजाको शतकमा इंग्ल्याण्डलाई पछ्याउँदै अस्ट्रेलिया

बर्मिङहम । उस्मान ख्वाजाले उत्कृष्ट शतक बनाएपछि अस्ट्रेलियाले एसेज टेस्ट शृङ्खलाको पहिलो खेलमा आफूलाई बलियो स्थानमा उभ्याउन सफल भएको छ । दोस्रो दिनको खेल समाप्त हुँदा अस्ट्रेलियाले ५ विकेटको क्षतिमा ३११ रन बनाएको हो ।

अब अस्ट्रेलिया इंग्ल्याण्डभन्दा मात्र ८२ रनले पछि रहेको छ । यसअघि इंग्ल्याण्डले ८ विकेटको क्षतिमा ३ सय ९३ रन बनाउँदै आफ्नो पहिलो पाली समाप्तिको घोषणा गरेको थियो ।