नक्कली कार्यालय संचालन गरी ठगी गर्ने दम्पती पक्राउ

नक्कली सरकारी कार्यालय संचालन गरी ठगी गर्ने दम्पतीलाई प्रहरीले पक्राउ गरेको छ । ठाकुरबाबा नगरपालिका–३ बगनाहा बजारमा नक्कली सिंचाई कार्यालय संचालन गरेको आरोपमा प्रहरीले दम्पतीलाई पक्राउ गरेको हो ।

पक्राउ पर्नेमा ठाकुरबाबा नगरपालिका–३ का २४ वर्षीय घनश्याम न्यौपाने र दाङ लमही नगरपालिका–५ का २३ वर्षीया कृपा चौधरी रहेकी छन् । ठाकुरबाबा नगरपालिका–३ बगनाहा बजारमा ‘प्रगन्ना तथा बड्कापथ सिंचाई विभाग, टिकापुर लम्की नामले कार्यालय खोलेर ठगी गरेको उनीहरुमाथि आरोप लागेको छ ।