महिला राष्ट्रिय कबड्डी प्रतियोगिताः नेपाल प्रहरी र सशस्त्र प्रहरी आमनेसामने

सुनसरी । इनरुवामा जारी प्रथम कोशीटप्पु खुल्ला महिला राष्ट्रिय कबड्डी प्रतियोगितामा आज उपाधिका लागि नेपाल प्रहरी र सशस्त्र प्रहरी बलबीच भीडन्त हुने भएको छ ।

पहिलो सेमिफाइनलमा नेपाल प्रहरीले त्रिभुवन आर्मीलाई र सशस्त्र प्रहरी बलले कोशी प्रदेशलाई पराजित गर्दै फाइलनमा प्रवेश गरेका हुन् । इनरुवा–२ स्थित शिक्षा कार्यालयको खेल मैदानमा खेल हुने आयोजकले जनाएको छ ।

प्रतियोगितामा उपाधि विजेताले एक लाख रुपैयाँ र ट्रफी, दोस्रो हुनेले ५० हजार रुपैयाँसहित ट्रफी र तेस्रो हुने दुई टोलीलाई २५–२५ हजारसहित ट्रफी मेडल र प्रमाणपत्र प्रदान गरिने आयोजकले जनाएको छ ।