७ बुँदे माग राख्दै सीके राउतको पार्टीद्वारा सिराहा बन्दको घोषणा

काठमाडौँ– सीके राउत नेतृत्वको जनमत पार्टीले विभिन्न ७ बुँदे माग राख्दै सोमबार सिराहा जिल्लाभर चक्काजामको कार्यक्रम घोषणा गरेको छ । सो पार्टीले आइतबार पनि सिराहामा विरोध प्रदर्शन गरेको थियो । उच्छृंखल प्रदर्शनका क्रममा प्रदर्शनकारीले एक ट्रकमाथि आगजनीसमेत गरेका थिए ।

जनमत पार्टी आन्दोलन समिति सिराहाका पवन यादवले आइतबार एक विज्ञप्ति जारी गर्दै सोमबार सिराहाभर चक्काजामको विरोध कार्यक्रम गर्ने जानकारी गराएका छन् ।