एमालेमा प्रदेश अध्यक्षहरूको पदीय हैसियत घटुवा

काठमाडौं । सत्तारूढ दल नेपाल कम्युनिस्ट पार्टी (एमाले)मा प्रदेश कमिटीका अध्यक्षहरूको पदीय हैसिय घटुवा गरिएको छ । यसअघि प्रदेश अध्यक्षहरू पार्टीको पोलिटब्युरो सदस्यसरहको हैसियतमा रहेको भए पनि अब उनीहरूको पदीय हैसियत घटुवा गर्दै केन्द्रीय सदस्यसरहको गरिएको छ ।

प्रधानमन्त्रीसमेत रहेका एमाले अध्यक्ष केपी शर्मा ओलीले मंगलबार जारी गरेको अन्तरपार्टी निर्देशिका (अपानी)–१० अनुसार प्रदेश अध्यक्षहरूको पदीय हैसियत घटुवा गर्दै केन्द्रीय सदस्यमा सीमित गरिएको हो ।