पहिरोले अवरुद्ध कर्णाली राजमार्ग सञ्चालनमा

दैलेख । अवरुद्ध कर्णाली राजमार्ग सञ्चालनमा आएको छ । मंगलबार राति परेको वर्षाले पहिरो जाँदा कालीकोटको सिमानामा पर्ने शुभकालिका–१ दहीखोला र कालेखोला बीचको गगने खोलामा पहिरो गएको थियो।

अविरल वर्षासँगै सुर्खेत–जुम्ला सडकखण्डअन्तर्गत कालिकोटको गगनेखोला र कालेखोलामा वर्षाले पहिरो जाँदा गएको पहिरो हटाएपछि राजमार्ग सञ्चालनमा आएको सडक डिभिजन जुम्लाका सूचना अधिकारी वीरबहादुर जिटीले जानकारी दिए । राजमार्ग खुलेपछि यातायातका साधन चल्न थालेको उनले जानकारी दिए ।