पाकिस्तानमाथि दक्षिण अफ्रिकाको रोमाञ्चक जित, अंक तालिकामा भारतलाई उछिन्यो

भारतमा जारी आइसिसी एकदिवसीय विश्वकप क्रिकेटमा दक्षिण अफ्रिकाले पाँचौं जित दर्ता गरेको छ । पाँचौं जित दर्ता गर्नेक्रममा उसले गएराति सम्पन्न खेलमा पाकिस्तानलाई एक विकेटले हरायो ।

पाकिस्तानले दिएको २ सय ७१ रनको लक्ष्य दक्षिण अफ्रिकाले ४७.२ ओभरमा ९ विकेटको क्षतिमा भेट्टायो । दक्षिण अफ्रिकालाई रोमाञ्चक जित दिलाउनेक्रममा एडेन मार्कमले ९३ बलमा ७ चौका र ३ छक्कासहित सर्वाधिक ९१ रन बनाए ।