पाकिस्तानले 'संघर्षविराम सहमति उलङ्घन गरेको' भारतको आरोप

भारतका विदेश सचिव विक्रम मिसरीले एक विशेष प्रेस ब्रिफिङ आयोजना गर्दै पाकिस्तानले शनिवार अपराह्न दुई देशबीच भएको संघर्ष विराम गर्ने सहमति राती उलङ्घन गरेको बताएका छन्।

स्थानीय समय अनुसार रातको ११ बजे तिर गरिएको छोटो प्रेस ब्रिफिङमा विदेश सचिवले भने, "केही दिनदेखि भैरहेको सैन्य कार्बाही रोक्ने सम्झौता आज अपराह्न भएको थियो। तर त्यसको केही घण्टापछ नै पाकिस्तानको तर्फबाट त्यसको घोर उलङ्घन भएको छ।"