कागजपत्रविहीन विदेशी श्रमिकमाथि मलेसिया सरकार लचक

काठमाडौं । आप्रवासी स्वदेश फिर्ता कार्यक्रमअन्तर्गत कागजपत्रविहीन ६ लाखभन्दा बढी नेपालीसहित अन्य विदेशी श्रमिकलाई कानुनी कारबाही नगरी स्वदेश फर्किन मलेसिया सरकारले आग्रह गरेको छ ।

उनीहरूलाई कानुनी कारबाही नगरी आफ्नो मुलुक फर्कन अनुमति दिइने र अध्यागमन ऐनअन्तर्गत केही अपराधहरूका लागि मात्र जरिमाना हुने मलेसियाली गृहमन्त्री सैफुद्दीन नासुसन इस्माइलले जानकारी दिए ।