सनराइजर्स हैदरावाद प्लेअफमा, चेन्नईमाथि ५ विकेटको जित

काठमाडौँ । इन्डियन प्रिमियर लिग अन्तर्गत सोमबार भएको खेलमा सनराइजर्स हैदरावादले चेन्नई सुपर किंग्सलाई ५ विकेटले पराजित गर्दै प्लेअफमा आफ्नो स्थान सुरक्षित गरेको छ ।

चेन्नईले प्रस्तुत गरेको १८१ रनको लक्ष्य हैदरावादले १९ ओभरमा ५ विकेट गुमाएर सफलतापूर्वक भेट्टायो । हैदरावादको जितमा ओपनर इशान किशनले विस्फोटक ब्याटिङ गर्दै ४७ बलमा सर्वाधिक ७० रनको योगदान दिए । उनलाई हेनरिक क्लासेनले ४७ रन र अभिषेक शर्माले २६ रन बनाएर राम्रो साथ दिएका थिए ।