१६ वर्षपछि विश्वकपको नकआउट चरणमा स्पेनलाई पहिलो सफलता

स्पेनले १६ वर्षपछि पहिलो पटक पुरुष विश्वकपको नकआउट खेल जित्दै इतिहास रचेको छ। अमेरिकाको लस एन्जलसमा भएको अन्तिम ३२ को खेलमा अस्ट्रियालाई सहजै हराउँदै स्पेन प्रतियोगिताको अन्तिम १६ मा प्रवेश गरेको हो।

खेलको सुरुदेखि नै दबाब बनाएको स्पेनले ३६औं मिनेटमा मिकेल ओयार्जाबालको गोलमार्फत अग्रता लियो। मार्क कुकुरेलाले दिएको सटिक 'लो क्रस'लाई ओयार्जाबालले १२ यार्डको दूरीबाट गोलमा परिणत गरेका थिए।