तराईमा गर्मी बढ्दै, वीरगंजको घण्टाघर चोकमा निःशुल्क चिसो पिउने पानीको व्यवस्था

वीरगंज- तराई–मधेसमा केही दिन यता बढ्दै गइरहेको गर्मीले जनजीवन नै कष्टकर बनेका बेला वीरगन्जको घण्टाघर चोकमा एक परोपकारी संस्थाले निःशुल्क चिसो पिउने पानीको व्यवस्था गरेको छ ।

सर्वसाधरण र बटुवाहरूलाई गर्मीबाट थोरै भए पनि राहत दिने उदेश्यले शैक्षिक शहीद मुकुन्द प्रसाद खनाल स्मृति प्रतिष्ठानले घण्टाघर चोकमा शनिबारदेखि निःशुल्क चिसो पिउने पानी वितरण गर्न सुरु गरेको हो । उक्त कार्यक्रम तीन दिनसम्म चल्नेछ ।