नाइजेरियामा बम विष्फोट हुँदा ५० भन्दा बढी गोठालाको मृत्यु

एजेन्सी, १२ माघ । नाइजेरियामा बुधबार भएको बम विस्फोटमा परी ५० भन्दा बढी गोठालाको मृत्यु भएको छ । समाचार एजेन्सी रोयटर्सका अनुसार यो विस्फोट मध्य नाइजेरियामा भएको थियो जसमा ५० जनाको मृत्यु भएको थियो । अरु धेरै घाइते भएका छन् ।

विस्फोट भएको क्षेत्र जातीय र धार्मिक तनावका लागि परिचित छ । नसरावा र बेनु राज्यको सिमानामा पर्ने गाउँ रुकुबीमा गोठाला र उनीहरुका गाईवस्तुहरु रहेका बेला बम विष्फोट भएको बताइएको छ । यसमा ५० भन्दा बढीले ज्यान गुमाएका छन् ।