कोशीमा मृत फेला परेका युवकको आफन्त खोज्दै प्रहरी

राजविराज । सप्तरीको हनुमाननगर १ स्थित सप्तकोशी नदीमा अघिल्लो दिन मृत अवस्थामा फेला परेका एक पुरुषको अझै पहिचान खुल्न सकेको छैन् । उनको शव अहिले पोष्टमार्टमका साथै सनाखत प्रयोजनका लागि गजेन्द्र नारायण सिंह अस्पतालको शव गृहमा राखिएको छ ।

“शनिबार साँझसम्म पनि कोही आफन्त आएका छैनन्, इलाका प्रहरी कार्यालय कंचनपुरका प्रहरी नायब उपरिक्षक माधव प्रसाद काफ्लेले भने–शवप्राप्त भएको कोशी नदी आसपासका बासिन्दाका साथै सबैतिर मृतकको हुलिया विवरण पठाएर सनाखतको प्रयास गरिरहेका छौं ।”