विदेशी गीत बजेपछि लुम्बिनीका मुख्यमन्त्रीद्वारा कार्यक्रम नै बहिस्कार

रुपन्देही — लुम्बिनी प्रदेशका मुख्यमन्त्री डिल्लीबहादुर चौधरी उपस्थित एक सामाजिक कार्यक्रममा विदेशी गीत बजाएर सुरु गरिएपछि कार्यक्रम नै बहिस्कार गरेका छन् । किवानीज इन्टरनेशनल नेपालको पाँचौं डिष्ट्रिक सम्मेलन शुक्रबार रुपन्देहीको भैरहवामा गरिएको थियो । सम्मेलन उद्घाटनको प्रमुख अतिथि मुख्यमन्त्री चौधरी थिए ।

कार्यक्रममा विशेष अतिथिको रुपमा फिलिपिन्सी नागरिक एवं किवानीज एसप्याक चियर बेल गारसिया उपस्थित थिए । नेपालका आयोजकले फिलिपिन्सका नागरिकलाई सुनाउने गरी कार्यक्रमको सुरुआतमै विदेशी गीत बजाएर कार्यक्रमको सुरुआत गरेपछि मुख्यमन्त्री चौधरीले कार्यक्रम नै बहिस्कार गरेर हिँडेका हुन् ।