प्रथम मधेसी महिला सीडीओकाे ‘पहाडी कमान्ड’

२०६१ ताका माओवादी द्वन्द्वकाल चल्दै गर्दा प्रदर्शनी कुमारीले त्रिचन्द्र क्याम्पसबाट बीएस्सी सकाएकी थिइन् । भर्खर-भर्खर विश्वविद्यालयको पढाइ सकेकी कुमारीलाई विदेश पढ्न जाने इच्छा थियो । तर, बुबाले उनलाई निजामती कर्मचारीको रूपमा देख्न चाहन्थे ।

आफ्नो इच्छाभन्दा बुबाको सपना पूरा गर्ने योजना कुमारीले बनाइन् । र, सुरु गरिन् लोकसेवाको तयारी । बीएस्सी पढ्दाताकाको पढ्ने बानीले कुमारीलाई सहयोग भयो । प्रशासन सेवामा छिर्न लोकसेवा भिड्ने भएकाले उनले त्यसैतिर सामाजिक विषयवस्तुमा आफ्नो ध्यान केन्द्रित गरिन् । २०६२ सालमा लोकसेवामा नाम पनि निस्कियो उनको ।