सर्वोच्चका न्यायाधीशको अठोट : सुसाइड गर्दैनौँ, ब्याक हुने ठाउँ छैन

न्यायालयमा जारी गतिरोधका कारण मंगलबार पनि न्यायाधीशहरूको इजलास बस्न सकेन । प्रधानन्यायाधीशले पेसी तोके लगत्तै सर्वोच्चका १५ न्यायाधीश बिहान ११ः३० बजे प्रधानन्यायाधीशलाई भेट्न गए । सोमबारकै बैठकको निर्णयअनुसार मंगलबारको भेटपछि उनीहरूले प्रधानन्यायाधीश चोलेन्द्र शमशेर जबराको राजीनामा माग गरे ।

तर, प्रधानन्यायाधीश जबराले सडकबाट कसैले चिच्याउँदैमा राजीनामा नदिने र आफू संवैधानिक प्रक्रियाबाट आएका कारण संवैधानिक प्रक्रियाबाट मात्रै बहिर्गमनमा जाने जवाफ दिए । प्रधानन्यायाधीशको जवाफ सक्छौ भने महाभियोग लगाएर पारित गराऊ भन्ने आशयको थियो ।