विश्व शान्ति दिवस : मेरा लागि के अर्थ राख्छ ?

आज सेप्टेम्बर २१ का दिनलाई विश्व शान्ति दिवसको रुपमा मनाइन्छ । संयुक्त राष्ट्र संघको महासभाले सन् १९८१ मा नै वर्षमा एक दिन शान्ति दिवसको रुपमा मनाउने घोषणा गरेको हो । शान्तिलाई उच्च महत्व दिँदै संघको वार्षिक सभा शुरु हुने दिन सेप्टेम्बरको तेस्रो मंगलबार नै शान्ति दिवस तय ग¥यो । त्यसै अनुरुपम विश्वभरि विभिन्न राष्ट्र, संघसंस्था तथा समूहहरुले विभिन्न क्रियाकलापहरु गरी यस दिन आफ्नो सहभागिता जनाउँछन्, सचेतना फैलाउँछन्, अरुलाई शान्तिप्रति उत्प्रेरित गर्छन्, आह्वान गर्छन् र आफू पनि शान्तिको अभ्यास गर्ने प्रयास गर्छन् ।

यो दिवस घोषणा भएको दुई दशकपछि सन् २००१ मा यसलाई संयुक्त राष्ट्र संघले सेप्टेम्बर २१ को दिनलाई नै तय गर्ने र यस दिनलाई विश्वभरि हिँसारहित तथा युद्धविरामको दिनको रुपमा मनाउने भनेर घोषणा तथा आह्वान ग¥यो । विभिन्न अभियन्ताहरु यसमा लागिपरे । त्यस समयमा अफगानिस्तानमा द्वन्द्व उत्कर्षमा थियो । उनीहरुले सम्बन्धित विभिन्न निकायहरुका साथसाथै त्यहाँका विद्रोही लडाकू समूह तालिवानसँग कुरा राखे । तिनीहरु राजी भए । दश हजार स्वास्थ्य कार्यकर्ता परिचालित भए र कुनै रोकतोकविना लाखौँ बालबालिकाहरुलाई खोप खुवाउने कार्य सम्पन्न भयो । त्यस दिन सत्तरी प्रतिशत हिँसा कम भएको औपचारिक तथ्यांक नै सार्वजनिक ग¥यो संयुक्त राष्ट्र संघको अफगानिस्तानस्थित कार्यालयले ।