दूध र मासुबाटै एन्टिबायोटिक

मानिसको मृत्यु कालगतिले हुनु सामान्य हो । रोगव्याधि र दुर्घटनाले हुनुचाहिँ असामान्य मान्नुपर्छ ।

मानिसको मृत्यु कालगतिले हुनु सामान्य हो । रोगव्याधि र दुर्घटनाले हुनुचाहिँ असामान्य मान्नुपर्छ । त्यसमाथि अचेल मानव शरीर औषधोपचारले पनि निको नहुने अवस्थामा पुग्दैछ । त्यसको कारण प्रतिजैविक औषधि अर्थात् एन्टिबायोटिकको प्रयोग हो । सामान्य सञ्चो नहुँदा पनि धेरै डोजको एन्टिबायोटिक सेवन वा प्रयोग गर्दै अरू बेला सामान्य औषधिले पनि काम नगर्ने हुँदै गइरहेको छ । त्यस्तो अवस्थालाई एन्टिबायोटिक्स रेसिस्टेन्स भनिन्छ । पछिल्लो समय मानिसको मृत्युको मुख्य कारण असाध्य रोगहरूमात्रै नभई एन्टिबायोटिक्स रेजिस्टेन्स पनि हुन थालेको विश्व स्वास्थ्य संगठनकै भनाइ छ । औषधिहरूको जथाभावी सेवनबाट मात्रै मानव शरीरमा एन्टिबायोटिक्स प्रवेश गर्दैन । अर्काे माध्यम खाना हो ।