मुगुको कार्मारोङ गाउँ वर्ष दिनदेखि सुनसान

मुगु । मुगु जिल्लाको पूर्वी उत्तरी भेगमा पर्ने कार्मारोङ गाउँ पालिकाको वडा नं १ को चिताई गाउँका स्थानीयबासी ब्यापार, ब्यवसायका लागि भन्दै अधिकांश गाउँलेहरु २ घण्टाको यात्रा लाग्ने गाउँदेखि तल ‘चिताई कुना’ मा झरेपछि गाउँमा एक बर्षदेखि ताल्चा ठोकेर गाउँ नै सुनसान रहेको छ ।

कार्मारोङ गाउँपालिको उच्च स्थानमा पर्ने यो बस्ती लामा जातिका स्थानीय बासीन्दा हुन । यो बस्तीमा जिल्ला भन्दा बाहीर गएका र जिल्लामै रहेका गरेर ९० भन्दा बढी घरधुरी रहेका छन । उच्च स्थानमा रहेकाले यो बस्तीमा खेतीपातीमा आलु, फापर र नाफल बाहेयक केही अरु बाली नहुने भएपछी खेतीपातीले जिविका चलाउन कठीन हुने हुदा बेसीतिरको जग्गामा आएर गाउँ नै ब्यापार ब्यबसायमा लागेको चिताई गाउँका स्थानीय गोटुप लामाले जनाए ।