‘गौथली’को ‘आँखा भरी आँसु’ सार्वजनिक

नेपाली चलचित्र ‘गौथली’ को पहिलो गीत ‘आँखा भरी आँसु’ सार्वजनिक गरिएको छ । बिहीबार राजधानीमा आयोजित एक विशेष कार्यक्रममा निर्माण पक्षले गीत सार्वजनिक गरेको हो ।

४ मिनेट ५९ सेकेन्ड लामो उक्त गीतमा कलाकार सिम्रन खड्का र मदनकृष्ण श्रेष्ठ लगायत अरु कलाकार फिचर छन् । गीत सार्वजनिक कार्यक्रममा बोल्दै कलाकार मदनकृष्ण श्रेष्ठले चलचित्रको कथावस्तु पारिवारिक परिवेशसँग जोडिएको बताउँदै दर्शकले मन पराउने विश्वास व्यक्त गरे ।