मुख्य सामग्रीमा जानुहोस्

समाचार

देश

मन्त्रीको काम सरुवा मिलाउने, निर्वाचन अघि ठूलो संख्यामा निजामति र सुरक्षाकर्मीहरुको सरुवा हुँदै

nepalbahas.com · Thu Sep 08 00:20:50 GMT 2022

२३ भदौ । काठमाडौं । सरकारले निर्वाचनको मुखमा ठूलो संख्यामा निजामति कर्मचारी र सुरक्षा निकायमा कार्यरत कर्मचारीको सरुवा तयारी गरेको छ । सरुवामा सम्बन्धित मन्त्रालय र कार्यालयका प्रमुखहरु मन्त्रालय र कार्यालयमा राती अबेरसम्म बस्ने गरेका छन् । कर्मचारीको सरुवामा मन्त्री आफै खटिने गरेका छन् । मन्त्रीकै निर्देशनमा धेरै मन्त्रालयहरुले कर्मचारीको सरुवा हुने गरेका छन् । ‘मन्त्रिको काम नै आजकाल सरुवा मिलाउने मात्रै भएको छ’, स्रोतले भन्यो ।

निजामति मात्र होइन सुरक्षा अंगका कर्मचारीहरु पनि नियमति भन्दा आकस्मिक सरुवा हुन थालेका छन् । गृह मन्त्रालयबाट प्रमुख जिल्ला अधिकारीहरुको सरुवा शुरु भैसकेको छ भने, नेपाल प्रहरी र सशस्त्र प्रहरीमा पनि यो क्रम शुरु हुन लागेको छ । नेपाल प्रहरीमा मंगलबार साँझ मात्रै पूर्वी नवलपरासी र पाँचथरका प्रहरी प्रमुख फेरिएका छन् । पूर्वी नवलपरासीमा एसपी भुवनेश्वर तिवारीलाई पठाइएको छ भने पाँचथरमा डीएसपी हरि खतिवडाको सरुवा भएको छ ।

स्रोतमा पूरा पढ्नुहोस् (nepalbahas.com)