राजस्थान ४ विकेटले विजयी, पञ्जाब प्लेअफको दौडबाट बाहिर

धर्मशाला । राजस्थान रोयल्सले इन्डियन प्रिमियर लिग २०२३ को प्लेअफ दौडमा आफ्नो आशा जीवित राखेको छ भने पञ्जाब किंग्स दौडबाट बाहिर छ। राजस्थान रोयल्सले चालु सिजनको ६६ औं खेलमा पञ्जाब किंग्सलाई ४ विकेटले पराजित गरेको हो ।

यो जितसँगै राजस्थान तालिकाको पाँचौँ स्थानमा पुगेको छ । लिगका सबै खेल खेलेपछि उनको खातामा १४ अंक छ भने पञ्जाबको टोलीले १२ अंक मात्र जोड्न सकेको छ । यस्तो अवस्थामा पञ्जाब प्लेअफको दौडबाट बाहिरिएको छ । प्लेअफमा प्रवेश गर्न राजस्थानले अब मुम्बईको हार र बेंगलुरुको ठूलो हारको लागि प्रार्थना गर्नुपर्नेछ।