१२ खर्ब रेमिट्यान्स भित्रिंदा अधिक विदेशी मुद्रा सञ्चिति

काठमाडौं । रेमिट्यान्स आप्रवाहमा १० प्रतिशत वृद्धि हुँदा मुलुकमा विदेशी मुद्रा सञ्चिति २४ खर्ब २६ अर्ब पुगेको छ । चालू आर्थिक वर्ष २०८१–८२ को नौ महिनामा कुल ११ खर्ब ९१ अर्ब ३१ करोड रुपैयाँ रेमिट्यान्स नेपाल भित्रिएको हो।

अमेरिकी डलरमा विप्रेषण आप्रवाह ७.३ प्रतिशतले वृद्धि भई ८ अर्ब ७४ करोड पुगेको छ। अघिल्लो वर्ष यस्तो आप्रवाह १५.२ प्रतिशतले बढेको थियो।