तनहुँमा उम्मेदवार हुन नेता रिझाउँदै, चितवनमा रविकै चर्चा

काठमाडौं । उपनिर्वाचनको मिति घोषणा गरिएसँगै तनहुँ १ र चितवन २ मा राजनीतिक चहलपहल सुरु भएको छ । तनहुँ १ का प्रतिनिधिसभा सदस्य रामचन्द्र पौडेल राष्ट्रपतिमा निर्वाचित भएसँगै रिक्त भएको यो क्षेत्रमा उपनिर्वाचन हुन लागेको हो ।

उपनिर्वाचनका लागि निर्वाचन कार्यालयले आवश्यक तयारी थालिसकेको छ । गत ४ मंसिरमा सम्म तनहुँ–१ मा १ लाख २३ हजार ४ सय ९० मतदाता थिए । निर्वाचनमा ६६ हजार ९ सय ६५ मत खसेकामा नेपाली कांग्रेसका तर्फबाट उम्मेदवार पौडेल २५ हजार ३ सय १८ मत प्राप्त गरी विजयी भएका थिए । प्रतिस्पर्धी नेकपा (एमाले)का एकबहादुर रानाले १९ हजार ९ सय ४३ मत प्राप्त गरेका थिए ।