विवाहेत्तर सम्बन्धले निम्त्याएको अपराध : दोस्रो श्रीमतीबाटै मारिए सिग्देल

१० फागुन, काठमाडौं । झापा दमकका ४३ वर्षीय दिनेश सिग्देल दश वर्षअघि सुनसरीको बहाराक्षेत्र नगरपालिका–१०, प्रकाशपुरकी ३० वर्षीया अनिता केसीसँग प्रेमसम्बन्धमा जोडिए । घरका एक्लो सन्तान सिग्देललाई खान लाउनको कमी थिएन, केही काम गर्नुपरेको पनि थिएन ।

अल्लारे भएर हिँडेको भन्दै घरकी श्रीमती उनलाई वेलावेला गाली गरिराख्थिन्, केही काम गर्न सुझाइराख्थिन् । तर श्रीमतीले सम्झाएको उनलाई मन पर्दैनथ्यो । त्यसैले श्रीमतीसँग रुष्ट थिए, त्यति नै बेला आफूभन्दा १३ वर्ष कान्छी केसीसँग उनी नजिकिँदै गए ।