मौद्रिक नीति पुँजीबजार-मैत्री हुुनुपर्ने हो

पछिल्लो समयमा शेयरबजार उकालो लाग्न नसकिरहेको कारणले शेयरबजारका लगानीकर्ताहरुको मनोबल खस्किएको जस्तो देखिन्छ, एकसिमको त्रास पनि देखिएको छ । लगानीकर्ताहरुको शेयरबजारप्रति विश्वास गर्न नसकिरहेको अवस्था छ । नेप्से बढ्न नसकिरहेकोले नेप्सेमा गिरावट आउने गरेको कारणले लगानीकर्ताहरुमा निरास हुनु स्वाभाविक नै हो ।

त्यसो त कतिपयको भनाइमा पछिल्लो समयमा धमाधम आईपीओ र हकप्द शेयर जारी भइरहेको कारणले पनि शेयरबजारको दोस्रो बजारमा असर गर्ने गरेको बताइन्छ । पछिल्लो समयमा दिनहुँजसो आईपीओ र हकप्रद शेयर जारी हुने गरिरहेको छ । हकप्रद शेयर भर्नका लागि रकमको जोहो गर्न परिरहेको कारणले घटेको बजारमा पनि शेयरहरु बेच्न परिरहेको कतिपयको भनाइ रहेको छ । कतिपयको भनाइमा घटिरहेको बजारको अवस्थामा पनि कमिसनको चक्करमा धमाधम आईपीओ र हकप्रद शेयर जारी गर्ने स्वीकृति दिने गरेको बताउँछन् सरोकारवालाहरु । त्यसो त केही लगानीकर्ताहरुले यसको विरोधमा ज्ञापनपत्रसमेत बुझाइसकेका छन् ।