आईपीएल क्रिकेटमा राजस्थान विजयी, गुजरात ३ विकेटले पराजित

काठमाण्डाै - इन्डियन प्रिमियर लिग आईपीएल क्रिकेटमा गुजरात टाइटन्सलाई हराउँदै राजस्थान रोयल्स विजयी भएको छ । अहमदाबादमा गएराति भएको खेलमा राजस्थान ३ विकेटले विजयी भएको हो ।

गुजरातले दिएको १ सय ७८ रनको लक्ष्य राजस्थानले १९ ओभर २ बलमा ७ विकेट गुमाएर भेट्टायो । राजस्थानका लागि कप्तान सञ्जु सामसन र शिमरन हिटमायरले अर्धशतकीय पारी खेले । सामसनले ६० रन बनाए भने हिटमायरले ५६ रन बनाए । यस्तै, देवदत्त पडिकलले २६, ध्रुव जुरेले १८ रन बनाए।