गाजा युद्धविराम ‘अब’ आवश्यक छ– इयु प्रमुख

युरोपेली सङ्घ (इयु) का प्रमुख उर्सुला भोन डेर लेनले शुक्रबार गाजामा तत्काल युद्धविराम आवश्यक भएको बताउनुभएको छ । यसबाट इजरायल र हमासबीच युद्धविराम सम्झौताका लागि अन्तर्राष्ट्रिय दबाब बढेको छ ।

“हामीलाई अब गाजामा युद्धविराम आवश्यक छ, जीवन बचाउने, शान्तिको आशा पुनःस्थापित गर्ने र बन्धकहरूको फिर्ती सुनिश्चित गर्ने यही एक मात्र तरिका हो”, सामाजिक सञ्जाल एक्समा उहाँले लख्नुभएको छ, “त्यसैले यस क्षेत्रमा आवश्यक शान्ति र स्थिरता हासिल गर्न अमेरिका, इजिप्ट र कतारको नेतृत्वमा गरिएका प्रयासहरूलाई म दृढतापूर्वक समर्थन गर्दछु ।”