बागमती प्रदेश खेलकुद प्रतियोगिता असार ३ गतेदेखि, १५ विधाका खेलमा प्रतिस्पर्धा हुने

हेटौँडा । बागमती प्रदेश खेलकुद प्रतियोगिता आगामी असार ३ गतेबाट सुरु हुने भएको छ । असार ३ देखि ९ गतेसम्म विभिन्न खेलकुद प्रतियोगिता सांचालन गर्ने गरी युवा तथा खेलकुद मन्त्रालय अन्तर्गतको प्रदेश खेलकुद विकास परिषद्ले तयारी गरेको हो ।

यसअघि जेठ २४ गतेबाट सुरु गर्ने तयारी गरिएको उक्त प्रतियोगिता आन्तरिक तयारीका लागि सारिएको थियो । गत वैशाखमा काठमाडौँमा बसेको प्रदेश खेलकुद विकास परिषद्, बागमती प्रदेशको २४औँ बोर्ड बैठकले तेस्रो बागमती प्रदेश खेलकुद प्रतियोगिता २०८३ जेठ २४ देखि ३० गतेसम्म आयोजना गर्ने निर्णय गरेको थियो ।