५० मेगापिक्सेल लाइका क्यामेरा र ६५०० एमएएच ब्याट्रीसहित नेपालमा ‘साओमी १७टी’ को बिक्री सुरु

काठमाडौँ । साओमीले नेपाली बजारमा आफ्नो नयाँ फ्ल्यागशिप स्मार्टफोन ‘साओमी १७टी’ (Xiaomi 17T) को बिक्री सुरु गरेको छ । मुख्य आकर्षणको रूपमा ५० मेगापिक्सेलको लाइका ट्रिपल क्यामेरा सिस्टम रहेको फोन खरिदमा ग्राहकले दुई हजार ४९९ रुपैयाँ मूल्य बराबरको ‘रेड्मी बड्स सिक्स प्ले’ (Redmi Buds 6 Play) नि:शुल्क प्राप्त गर्नेछन् ।

फोनमा प्रयोग गरिएको लाइका फाइभ एक्स टेलिफोटो क्यामेरा ‘लाइका अल्ट्राप्योर’ अप्टिकल डिजाइन र ‘१जी प्लस ६पी लाइका समिलुक्स’ लेन्स संरचनामा आधारित छ । यसले ३० सेन्टिमिटरको म्याक्रो फोटोग्राफीदेखि १० गुणा अप्टिकल जुम र १२० गुणासम्मको एआई अल्ट्रा जुम प्रदान गर्ने कम्पनीको विज्ञप्तिमा उल्लेख छ ।