ओर्लनेबित्तिकै स्कुल बसले ठक्कर दिँदा छात्राको मृत्यु

भक्तपुर : भक्तपुरमा स्कुल बसको ठक्करबाट एक छात्राको मृत्यु भएको छ। आज अक्सफोर्ड प्राक्टिकल स्कुलको बा २ क ९९११ नं को बसको ठक्करबाट सोही स्कुलमा अध्ययनरत सूर्यविनायक नगरपालिका‐५ कटुन्जेका रेजकुमार नेपालकी छोरी ६ वर्षीया रियान्सीको मृत्यु भएको प्रहरीले जनाएको छ।

स्कुलबाट घर फर्कने क्रममा बसबाट ओर्लिएलगत्तै बसले ठक्कर दिँदा बालिकाको घटनास्थलमै मृत्यु भएको जिल्ला प्रहरी परिसर भक्तपुरले जानकारी दिएको छ। बालिकालाई डा ईवामुरा अस्पताल लगिएको र अस्पतालले मृत्यु भइसकेको घोषणा गरेको थियो।