कृषक सधैं मारमा

कृषिप्रधान देशका किसानले आफ्नो उत्पादनको मूल्य नपाउँदा कहिले आन्दोलन त कहिले उत्पादन नै सडकमा मिल्काएर विरोध गर्नुपरेको छ । दूधको पैसा सरकारी र गैरसरकारी डेरी उद्योगले ७ अर्बभन्दा बढी बक्यौता राखेर कृषकहरूलाई आत्मदाहको संघारमा पुर्‍याउँदासमेत सम्बन्धित निकाय मौन छ ।

बजारमा आम उपभोक्ता १२० रुपैयाँ लिटरमा दूध पाउन सकिरहेका छैनन् । कृषक आफ्नो उत्पादनको मूल्य नपाएर संघर्ष गरिरहेका छन्, सरकार रमितेको भूमिकामा दुवै पक्षबाट लाभ लिन कुदिरहेको छ ।