घरमै पुगेर बोलाउँदा पनि दादुराको खोप लगाउने न्यून

नेपालगन्ज उपमहानगरपालिका ८ मा शनिबार १५ जना दादुराका बिरामी फेला परे । पुस २२ गतेसम्ममा यो वडामा चार जना बिरामी देखा परेका थिए । अहिले यो वडामा बिरामीको सङ्ख्या १९ जना पुगेको छ ।

सङ्क्रमितको सङ्ख्या बढ्दो रहेको यो वडामा दादुराविरुद्धको खोप लगाउनेको सङ्ख्या भने न्यून छ । वडामा माइकिङ गरिएको छ भने महिला स्वयंसेविका घरघरमा पुगेर खोप लगाउन बोलाइरहेका छन् । घरमै गएर बोलाउँदा पनि खोप लगाउन इच्छा न्यून देखिएको छ ।